Over miezulf
Ik bin Tjipko Jan Visser, geboren ien 1952, ien pasterij van Mij.
Noa legere schoul aan Stationsstroat heb k op MULO zeten. Ien 1970 bin k noar Stad verhoesd woar k veur schoulmeester leerd heb. Veur klas stoan is der aigelk nooit van kommen, omreden ik bin veur kiender optreden goan as Tjip de clown. Leste dareg joar woon k mit Liesbeth ien Leerms. Ons Maaike is verleden joar (2011) traauwd mit Henk van Stedum.
Over dizze webstek
Zo dag en deur heb ik wel ais wat schreven: n verhoal, n laidje, n limerick... Mit veul plezaaier goa ik doarvan wat op dizze webstek zetten. En k hoop dat dizze digitoale dieverdoatsie mie ook aanpittjed om nog meer te schrieven.
Boetendes kin k hier mooi wat kwiet over aandere bezegheden, bieveurbeld over tenail. t Is ien elks gevaal bedoulen dat ter aalgedureg wat nijs te lezen vaalt.
En wat aal zo mooi is, ie kinnen zulf ook wat schrieven. O joa? Joa. Veur lu dij nog nait zo thoes binnen mit dizze nijmoodse meroakels, volgt hier n korde oetleg. En bedenk:
t Is hail makkelk en kin niks misgoan. O nee? Nee.
Op ale bladzieden stait onderaan 'comments'. As je dat woord aanklikken, zain je 'hide comments' en 'add comment' stoan. As je stoppen willen, klik je op 'hide', din verbaarg je alles weer.
As je op 'add comment' klikken, zain je dat je joen noam en email ienvullen mouten. Doarnoa kin t stukje schreven worden.
Is t stukje òf en joe noa t zin? Typ dij poar ledders en siefers over dij doar onder stoan.
Tot slöt mout ie onderaan nog eefkes op 'save' (= opsloan) klikken. Kloar.
As ie loader willen, dat het ter weer òf mout, mail mie din even.
Leerms, veujoar 2009
Laatst aangepast ( zondag, 15 april 2012 14:46 )
Comments (1)